Жанчына, якая прадавала ў Маскве дзіця, прыехала ў Расію з Беларусі
Дзяўчынка нарадзілася ў пачатку лютага / t.me/moscowproc/
Жанчына, якая прадавала ў Маскве двухтыднёвае дзіця, прыехала ў Расію з Беларусі, паведамляюць расійскія СМІ. Здзелку па продажы ўначы 14 лютага сарвалі паліцыянты. Яны выступілі ў ролі "пакупнікоў". Маці дзіцяці Ж. А. затрымалі. Ёй 20 гадоў. Крымінальную справу распачалі па артыкуле "Гандаль людзьмі".
Сцвярджаецца, што жанчына спецыяльна прыехала ў РФ, каб прадаць сваю дачку, якая нарадзілася ў пачатку лютага. За яе яна прасіла тысячу долараў.
Дзяўчынка цяпер знаходзіцца ў бальніцы. Яе стан ацэньваюць як "нармальны". Пазней дзіця перададуць у дом малюткі.
