Зарэгістравана ініцыятыўная група Віктара Бабарыкі

Зарэгістравана ініцыятыўная група ў падтрымку вылучэння ў прэзідэнты Беларусі экс-банкіра Віктара Бабарыкі. У яе складзе пасля праверкі засталося 8905 чалавек. Яна атрымала парадкавы нумар 6.

Старшыня ЦВК Лідзія Ярмошына абурылася, што Бабарыка шмат разоў уносіў змены ў склад ініцыятыўнай групы, з-за чаго "камісія працавала на яго". Падчас праверкі ў спісе выявілі 2 чалавек, якія не з'яўляюцца грамадзянамі нашай краіны. Яшчэ на некалькі чалавек не было поўных звестак.

Бабарыка на выхадзе з ЦВК адказваў на пытанні па-беларуску.

Каб сачыць за галоўнымі навінамі, падпішыцеся на канал Еўрарадыё ў Telegram.

Мы штодня публікуем відэа пра жыццё ў Беларусі на Youtube-канале. Падпісацца можна тут.