Хлопец Крысціны Ціманоўскай зрабіў ёй прапанову рукі і сэрца ў Нью-Ёрку
Крысціна Ціманоўская і яе абраннік / Калаж Еўрарадыё
Хлопец Крысціны Ціманоўскай зрабіў ёй прапанову рукі і сэрца ў Нью-Ёрку. Бягуха адказала "Так!" і пахвалілася кальцом ад Tiffany.
Жыццё Ціманоўскай крута змянілася пасля Алімпіяды ў Токіа. Там яна публічна раскрытыкавала беларускіх спартовых чыноўнікаў, якія праз свае памылкі паставілі яе бегчы эстафету 4 па 400 метраў. Хаця ў гэтай дысцыпліне дзяўчына ніколі не выступала.
У адказ чыноўнікі не прыдумалі нічога лепей, чым адклікаць бягуху з гульняў. У аэрапорце яна папрасіла дапамогі і заявіла, што баіцца вяртацца ў Беларусь. Так Ціманоўская апынулася ў Польшчы і праз нейкі час атрымала спартовае грамадзянства гэтай краіны.
У 2023-м Ціманоўская канчаткова разыйшлася са сваім першым мужам, трэнерам Арсенем Зданевічам. Цяпер беларуская бягуха ў ЗША, разам са сваім новым абраннікам — блогерам Аляксандрам Салонскім.
