Крысціна Ціманоўская стала чэмпіёнкай Польшчы
Крысціна Ціманоўская з першшым залатым медалём пасля змены грамадзянства / асабісты архіў
Бягуха Крысціна Ціманоўская атрымала першае золата пасля змены грамадзянства. Яна стала лепшай на дыстанцыі 100 метраў падчас Чэмпіянату Польшчы па лёгкай атлетыцы. Вынік Ціманоўскай — 11,38 секунды.
Польскія медыя заўважаюць, што на спаборніцтвах адсутнічала шматгадовая пераможца на гэтай дыстанцыі Эва Свабода. Чэмпіёнка змянілася ўпершыню за 8 гадоў.
Крысціна Ціманоўская да 2021 года выступала за зборую Беларусі і спецыялізавалася па бегу на кароткіх дыстанцыях. Праз скандал на Алімпіядзе ў Токіа атрымала палітычны прытулак у Польшчы, пасля чаго выступае за гэтую краіну.
