Краўдфандынгавая платформа Gronka аднаўляе працу
Платформа Gronka / Gronka
Краўдфандынгавая платформа Gronka аднаўляе працу. Яна не дзейнічала паўгода праз праблемы з фінансаваннем.
"За год існавання платформы беларусы і беларускі сабралі на "Гронцы" каля 70 тысяч еўра і падтрымалі больш за 20 розных праектаў, — расказвае заснавальнік платформы Павел Лібер. — Потым у нас пачаўся фінансавы крызіс. Я ўдзячны ўсім людзям і арганізацыямі, якія падтрымалі каманду данатамі і дапамаглі прайсці гэты цяжкі этап".
Лібер анансуе, што бліжэйшым часам на Gronka.org з'явіцца яшчэ больш праектаў. Ён заклікае прыходзіць са сваімі праектамі ці каб падтрымліваць іншыя ініцыятывы.
