Зяленскі пагаварыў з вызваленымі палітвязнямі
Зяленскі пагаварыў з беларускімі палітвязнямі / прэс-служба Зяленскага
Уладзімір Зяленскі паразмаўляў з вызваленымі беларускімі палітвязнямі па відэасувязі.
"Я вельмі ўдзячны за добрыя словы пра Украіну і ўкраінцаў, а таксама за выразную, прынцыповую пазіцыю адносна расійскай агрэсіі. Гэта важна. Украіна будзе працягваць дапамагаць усім, хто дапамагае нам абараняць нашу незалежнасць і жыцці людзей", — напісаў прэзідэнт Украіны ў сваім тэлеграм-канале пасля размовы.
У размове з беларускага боку ўдзельнічалі Уладзь Лабковіч, Максім Знак, Марына Золатава, Марыя Калеснікава, Віктар Бабарыка і Аляксандр Фядута.
13 снежня з беларускіх турмаў былі вызваленыя 123 чалавекі. Большую іх частку вывезлі ва Украіну — гэта 109 беларускіх палітвязняў і пяць грамадзян Украіны.
