Замежнікаў, якія біліся ў цэнтры Гомеля, дэпартуюць з Беларусі

Мараканцаў, якія біліся ў цэнтры Гомеля, дэпартуюць з Беларусі. Пра гэта паведамляе прэс-служба МУС.

Ролік з жорсткай бойкай замежнікаў у цэнтры Гомеля некалькі тыдняў таму выклікаў вялікі рэзананс. На відэа было бачна, як два чалавекі б'юцца, а трэці нерухома ляжыць на асфальце.

Многія карыстальнікі сацсетак выказвалі меркаванне, што гэта пакістанцы, прыезд якіх у Беларусь анансаваў Лукашэнка. Міліцыя, аднак, заявіла, што гэта мараканцы, і папярэдзіла пра адказнасць за распальванне міжнацыянальнай варажнечы ў каментарах.

Удзельнікаў бойкі высветлілі і затрымалі. На час разбіральніцтва ўсіх трох замежнікаў пасадзілі ў ізалятар часовага ўтрымання. Іх прыцягнулі да адміністрацыйнай адказнасці за парушэнне грамадскага парадку, а таксама вырашана дэпартаваць іх з Беларусі.

"Працэдуры публічных высылак праведзеныя па месцах навучання, а таксама ў тэрытарыяльным падраздзяленні міліцыі", — рапартуюць у МУС.

Паведамляецца, што замежнікі пакінуць Беларусь бліжэйшы часам.