За выходныя мігранты больш за 680 разоў спрабавалі парушыць мяжу
Мяжа, ілюстрацыйнае фота
На працягу 6-8 чэрвеня мігранты зрабілі больш за 680 спробаў нелегальна перайсці беларуска-польскую мяжу. Пра гэта паведамляе памежная служба Польшчы.
Гэта больш як у паўтара раза перавышае паказчык мінулых выходных — тады было зафіксавана больш за 410 спробаў.
Польскія памежнікі спынілі большасць спробаў нелегальнага пераходу мяжы. Аднак 14 чалавек яшчэ спрабуюць затрымаць.
Паведамляецца, што мігранты зноў кідалі камяні ў польскіх памежнікаў.
У Літве за нядзелю зафіксавалі 15 спробаў парушэння мяжы з тэрыторыі Беларусі, у Латвіі — 58.
