У Польшчу з Беларусі зноў прыляцелі метэазонды з цыгарэтамі
Кантрабандны метэазонд / x.com/podlaski_sg
Польскія памежнікі чарговы раз выявілі метэазонды з кантрабанднымі цыгарэтамі з Беларусі. Пра гэта паведамляе Падляшскі памежны аддзел.
Пры рэштках метэазондаў памежнікі знайшлі тры тысячы пачкаў цыгарэт без польскіх акцызных марак.
За апошні тыдзень гэта ўжо трэці выпадак, калі метэазонды з беларускай кантрабандай залятаюць у Польшчу.
У ноч на 25 снежня Польшча нават часова закрывала паветраную прастору праз неапазнаныя аб'екты, якія перасеклі мяжу з боку Беларусі. Пазней стала вядома, што гэта былі метэазонды. Раней асноўныя скаргі на метэазонды з беларускай кантрабандай паступалі ад Літвы.
