За "распаўсюд экстрэмізму" ў Беларусі судзілі армянскую блогерку
Роза Бабаханян (блогерка Бэла) / @armeniathegreat
Армянскую блогерку Бэлу (Розу Бабаханян), затрыманую ў Беларусі, судзілі па абвінавачанні ў "распаўсюдзе экстрэмізму". Дзяўчына мае беларускае і армянскае грамадзянствы адначасова.
19 лютага ў Гомельскім абласным судзе разглядалі скаргу на пастанову суда Чыгуначнага раёна Гомеля наконт прысуду Розе Бабаханян, паведамляюць праваабаронцы з "Гомельскай Вясны". Ніжэйшы суд абвінаваціў Бабаханян паводле ч. 2 арт. 19.11 (распаўсюд экстрэмізму).
Як расказвала Еўрарадыё, пра затрыманне блогеркі Бэлы стала вядома некалькі дзён таму ад блогера Аляксандра Лапшына. Ён сцвярджаў, што на яе пачалі крымінальную справу і інкрымінуюць пяць крымінальных артыкулаў — "распальванне варожасці", "прапаганда вайны", "паклёп", "абраза прадстаўніка ўлады", "пагроза забойствам, прычыненнем цяжкіх цялесных пашкоджанняў".
