У Мінску на кандытарскай фабрыцы судзілі ўдзельніцу пратэстаў 2020-га
Суд на фабрыцы / Пракуратура Савецкага раёна
У Мінску на кандытарскай фабрыцы "Слодыч" судзілі ўдзельніцу пратэстаў 2020-га — 25-гадовую жыхарку сталіцы, якая працуе менеджарам у прыватнай кампаніі. Там прайшло выязное пасяджэнне суда Савецкага раёна. На яго сабралі працаўнікоў прадпрыемства, піша minsknews.by.
Мінчанку абвінавацілі ва ўдзеле ў вулічнай акцыі 30 жніўня 2020 года, у "наўмысным блакаванні руху грамадскага транспарту" на праспекце Незалежнасці і вуліцы Леніна. Удзельніца пратэстаў заявіла, што ў той дзень далучылася да групы ўдзельнікаў акцыі, падняла з зямлі плакат і несла яго ў руках.
Жанчыну прызналі вінаватай па артыкуле "Арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх" (ч. 1 арт. 342 КК). Яе асудзілі на 2 гады і 6 месяцаў "хатняй хіміі".
