За карупцыю затрымалі гендырэктара "Гроднаэнерга" — СМІ
Віктар Жук / "Гродзенская праўда"
Гендырэктара "Гроднаэнерга" Віктара Жука затрымалі за карупцыю. Гэта адбылося некалькі тыдняў таму, піша выданне hrodna.life са спасылкай на ўласныя крыніцы. Таксама чыноўніка знялі з пасады.
Імя Віктара Жука знікла з афіцыйнага сайта ведамства. Новага гендырэктара пакуль што не прызначылі.
Віктара Жука паставілі кіраваць "Гроднаэнерга" ў 2020 годзе. Агулам у Гродзенскай энергасістэме ён працуе з 1993 года. Як адзначае праект luka.zone, чыноўнік "падтрымлівае рэжым Лукашэнкі і палітычна матываваныя рэпрэсіі".
