З наступнага года ў Беларусі будуць збіраць Opel Corsa (відэа)
У чацвер пагадненне падпісалі кампанія General Motors і беларуска-брытанскае прадпрыемства "Юнісон".
Opel Corsa стане першай мадэллю General Motors, якую збяруць у нашай краіне. Адбудзецца гэта ў 2014 годзе. Разглядаецца таксама выпуск шэрагу аўтамабіляў маркі Chevrolet.
Мяркуецца, што аб'ём вытворчасці складзе 4-7 тысяч аўтамабіляў штогод.
Прысутны на сустрэчы прадстаўнікоў кампаній намеснік прэм'ер-міністра Беларусі Пятро Пракаповіч адзначыў, што "прыход на беларускі рынак кампаніі General Motors стане новай старонкай у аўтамабілебудаванні нашай краіны", інфармуе БЕЛТА.
