Больш за паўтары тысячы таксоўцаў могуць выключыць з рэестра ў Беларусі
Таксоўка, ілюстрацыйнае фота
У Беларусі можа стаць менш на 1700 таксоўцаў. Пра гэта нагадалі ў Міністэрстве транспарту.
Як піша autogrodno.by, многіх кіроўцаў авансам уключылі ў рэестр нерэгулярных пасажырскіх перавозак. Яны скарысталіся асаблівым правам (да 1 сакавіка 2025 года) падаць заяву аб уключэнні ў рэестр. Мінтранс тады дазволіў уключаць у рэестр кіроўцаў без пасведчання аб павышэнні кваліфікацыі.
Аднак перавозчык абавязаны забяспечыць такое павышэнне кваліфікацыі не пазней за 31 жніўня 2025 года. Пад гэтую норму і трапляюць 1,7 тысячы кіроўцаў.
Пасля заканчэння тэрміну павышэння кваліфікацыі перавозчык абавязаны на працягу 15 каляндарных дзён (але не пазней за 15 верасня 2025 года) унесці змены ў звесткі пра кіроўцу. Калі ў гэтыя тэрміны ўмовы не будуць выкананыя, кіроўцу могуць выкрасліць з рэестра.
Рэестр аўтамабільных перавозак пачаў дзейнічаць у Беларусі з лістапада 2024 года.
