Якія прадукты найбольш падаражэлі і патаннелі ў Беларусі ў траўні
Якія прадукты найбольш падаражэлі і патаннелі ў Беларусі ў траўні / pixabay.com
Па параўнанні з красавіком у траўні гэтага года інфляцыя склала 0,7%, піша officelife. Гадавая ж інфляцыя перавысіла 7%. Традыцыйна больш за ўсё растуць у кошце прадукты — 1,2% за месяц і 9,6% за год.
Вось топ-5 тавараў, кошты на якія ў траўні выраслі прыкметней за ўсё:
- капуста — 45,21%;
- лук рэпчаты — 39,50%;
- буракі — 32,33%;
- морква — 26,51%;
- бульба — 26,30%.
Таксама ў спісе лідэраў па росту коштаў апынуліся какава-парашок, бульбяныя чыпсы, цэмент і абед у сталовай.
А вось топ-5 тавараў, кошты на якія больш за ўсё знізіліся ў траўні:
- агуркі свежыя — мінус 28,3%;
- памідоры — мінус 27,93%;
- бананы — мінус 21,1%;
- часнок — мінус 12%;
- перац салодкі — мінус 10,97%.
Акрамя гэтага, зніжэнне коштаў у траўні павінны былі адчуць пакупнікі авакада, мадэльных туфляў, фенаў і легкавых аўтамабіляў.
