Вызвалены палітвязні Сяргей Крыўчэня і Ігар Петран
Сяргей Крыўчэня і Ігар Петран / t.me/prisoners_spring96/
Вызвалены палітвязні Сяргей Крыўчэня і Ігар Петран, паведамляюць праваабаронцы.
Крыўчэня быў за кратамі з 18 жніўня 2020 года. У сакавіку 2021-га ў Брэсце за ўдзел у вулічных пратэстах яго асудзілі на 3 гады і 6 месяцаў калоніі ўзмоцненага рэжыму. Знаходзіўся ў бабруйскай калоніі № 2.
Сяргей Крыўчэня мае двух непоўнагадовых дзяцей.
Жыхар Баранавічаў Ігар Петран быў за кратамі з верасня 2021 года. Ён быў асуджаны на 2 гады калоніі за каментар у "Аднакласніках" (у ім пабачылі "абразу прадстаўніка ўлады" і "пагрозу гвалтам супрацоўніку праваахоўных органаў"). Тэрмін адбываў у івацэвіцкай калоніі № 5.
У Беларусі налічваецца амаль паўтары тысячы палітвязняў.
