Вызвалены асуджаны за "абразу Лукашэнкі" палітвязень Антон Якавук
Антон Якавук / spring96.org
Вызвалены палітвязень Антон Якавук, паведамляюць праваабаронцы. Ён быў за кратамі з верасня 2022 года.
Якавук — жыхар Брэста, захапляецца футболам, гуляў у аматарскім клубе. Быў затрыманы 29 верасня мінулага года па крымінальнай справе аб "абразе Лукашэнкі" (ч. 1 арт. 368 КК). У адной з сацсетак Антон Якавук выклаў відэа з Аляксандрам Лукашэнкам, якое суправаджалася адным "абразлівым" словам. За гэта суддзя Марына Скалковіч прызначыла яму 1 год калоніі агульнага рэжыму.
Якавук знаходзіўся ў шклоўскай ПК № 17. Ён цалкам адбыў тэрмін.
