Вільня стала самым вялікім горадам у краінах Балтыі
Вільня / delfi.lt
Вільня афіцыйна стала самым вялікім горадам у краінах Балтыі. На пачатак 2025-га ў ёй жыве 607404 чалавекі. На 5 тысяч больш, чым год таму. У Рызе ж, якая дагэтуль лічылася самым вялікім горадам, налічылі 605273 чалавекі. Насельніцтва сталіцы Латвіі з кожным годам зніжаецца (у 2023-м было больш за 609 тысяч жыхароў), піша madeinvilnius.lt са спасылкай на Дзяржаўнае агенцтва даных.
Ёсць меркаванне, што ў Вільні жыве яшчэ больш людзей. Напрыклад, па даных муніцыпалітэта — больш за 634 тысячы.
У 2023-м Вільню назвалі "зялёнай сталіцай Еўропы".
