Літоўскія памежнікі перахапілі 2 тыс. пачак цыгарэт з Беларусі
Сабака дапамог знайсці груз кантрабандных цыгарэт / VSAT
Літоўскія памежнікі перахапілі беспілотнік, які перавозіў 2000 пачак цыгарэт з Беларусі. Тры чалавекі, якіх падазраюць у датычнасці да кантрабанды, затрыманыя.
Супрацоўнікі памежнага атрада спачатку пачулі гук, характэрны для беспілотнага лятальнага апарата. Хутка з дапамогай прыбора начнога бачання яны зафіксавалі яшчэ адзін беспілотнік, які ляцеў у тым жа кірунку. Паводле дадзеных літоўскіх СМІ, інцыдэнт адбыўся ў так званай Дівенішкескай петлі — гэта месца, якое з трох бакоў акружана тэрыторыяй Беларусі.
Памежнікі змаглі пасадзіць беспілотнік, ачапілі прылеглыя раёны і з дапамогай кінолага знайшлі кантрабандны груз за некалькі сотняў метраў ад дзяржаўнай мяжы з Беларуссю.
Агульны кошт 2000 пачак кантрабандных цыгарэт складае 9,9 тысячы еўра. Трох падазраваных у кантрабандзе жыхароў Літвы арыштавалі на месяц да суда.
