Украінцы Беларусі згуляюць на чэмпіянаце свету па футболе
З 26 па 30 жніўня ў Тэрнопалі на гарадскім стадыёне адбудзецца II Чэмпіянат Свету па футболе сярод украінскіх дыяспарных каманд.
Папярэдне ўдзел у чэмпіянаце прымуць 8 каманд, паведамляюць украінскія СМІ.
У Тэрнопаль павінны прыехаць каманды з Беларусі, Польшчы, Іспаніі, Румыніі, Эстоніі, Прыднястроўя (Малдова), Канады і зборная Еўропы, у якую ўвойдуць асобныя футбалісты з розных краін кантынента.
