У якія часы ў Мінску найбольш бруднае паветра
Аб’ём выкідаў расце / Euroradio
Паводле звестак аўтаматычных станцый маніторынгу, канцэнтрацыі аксідаў азоту і вугляроду ў Мінску павышаюцца ў гадзіны пік — з 7 да 9 раніцы і з 17 да 19 вечара, — пішуць "Мінск-навіны". Гэта звязана з павялічанай інтэнсіўнасцю руху ў такія перыяды.
Аўтатранспарт з’яўляецца асноўнай крыніцай забруджванняў. На аўтамабілі прыпадае каля 80% выкідаў, астатнія 20% — на прамысловыя прадпрыемствы.
Паводле статыстычных звестак, у 2022 годзе аб’ём выкідаў ад мабільных крыніц склаў 73,4 тыс. т. У 2023-м ён прыкметна знізіўся — да 71,4 тыс. т. Але ў 2024 годзе зноў вырас — прыкладна да 73,8 тыс. т.
