У Мінскім раёне закрыюць адзіны смеццевы палігон. Куды павязуць адпады?
Закрыццё плануецца ў 2026 годзе / pristalica.by
Побач з Заслаўем у 2026 годзе закрыюць смеццевы палігон, якому ўжо больш за 30 гадоў. Паводле слоў дырэктара дзяржаўнага прадпрыемства “Мінрайцепласетка” Аляксандра Бакераўскага, палігон вычарпаў свае магутнасці і даўно перапоўнены.
Пасля закрыцця прадпрыемства прыступіць да працэсу рэкультывацыі. Так называюць комплекс работ па аднаўленні і абароне тэрыторыі. Гэты працэс, паводле ацэнак, зойме каля двух гадоў.
Пры гэтым новы палігон у Мінскім раёне будаваць не плануюць. А адходы з Мінскага раёна будуць накіроўваць на палігон “Трасцянецкі” і на размешчаны побач смеццеперапрацоўчы завод.
Там адходы будуць сарціраваць і перапрацоўваць. Магутнасць завода складае да 650 тысяч тон у год.
Навукоўцы раней выказвалі сумневы ў яго экалагічнасці і бяспецы.
