У Віцебску выратавалі школьніка, які тануў у Заходняй Дзвіне
Медыкі і супрацоўнікі МНС ратуюць хлопчыка / vitebsk.mchs.gov.by
У Віцебску выратавалі школьніка, які тануў у Заходняй Дзвіне ў раёне 8-й вуліцы Чкалава. Здарэнне адбылося ў сераду пасля 14-й гадзіны. Хлопчык быў у 40 метрах ад берага і самастойна выбрацца не мог. На месца выклікалі ратавальнікаў і медыкаў.
Супрацоўнікі МНС дабраліся да шасцікласніка з дапамогай ратавальнай лодкі. На беразе яго перадалі брыгадзе хуткай меддапамогі. З папярэднім дыягназам "агульнае пераахаладжэнне" хлопчыка шпіталізавалі ў Віцебскую абласную клінічную дзіцячую бальніцу.
Сведка кажа, што школьнік выйшаў на слабы лёд каля берага і скакаў на ім. У нейкі момант праваліўся. Яго хутка аднесла ад берага, і таварыш дапамагчы не змог, паклікаў на дапамогу.
