У Віцебску прадавец скраў з касы грошы, каб адзначыць дзень народзінаў у Мінску
У Віцебску прадавец скраў з касы грошы, каб адзначыць дзень народзінаў у Мінску. Адміністрацыя крамы аўтазапчастак заўважыла знікненне 326 рублёў і звярнулася ў міліцыю. Супрацоўнікі крымінальнага вышуку і міліцыянеры аддзела Дэпартамента аховы МУС высветлілі, што грошы ўзяў адзін з пяці прадаўцоў.
Як інфармуе прэс-служба УУС Віцебскага аблвыканкама, 27-гадовы мужчына прызнаўся ў здзейсненым злачынстве. Паводле яго слоў, свой дзень народзінаў ён святкаваў у сталіцы з сябрамі.
