Яшчэ адна балканская краіна сёлета можа ўвесці візы для беларусаў
Пляж у Чарнагорыі, ілюстрацыйнае фота / pixabay.com
Чарнагорыя ўжо сёлета можа ўвесці візы для грамадзянаў Беларусі.
Гэтая балканская краіна завяршае перамовы пра далучэнне да Еўрасаюза. Адпаведна, яна мусіць "выраўняць" сваю візавую палітыку з агульнаеўрапейскай.
Для беларусаў гэта азначае адмену бязвізавага рэжыму, які дзейнічаў з 1999 года (з перапынкам у канцы 2000-х — пачатку 2010-х). Цяпер Чарнагорыя дамаўляецца з кампаніяй VFS Global, каб чарнагорскія візы рабіліся ў яе візавых цэнтрах.
