У сямі раёнах Віцебскай вобласці адзначаны рост злачыннасці — BELPOL
Турма, ілюстрацыйнае фота / sb.by
У першым паўгоддзі 2025 года колькасць зарэгістраваных злачынстваў у Віцебскай вобласці знізілася амаль на 9%. Але ёсць раёны, дзе паказчыкі злачыннасці істотна выраслі, заўважыла арганізацыя былых сілавікоў BELPOL.
У Шумілінскім раёне злачынстваў стала больш на 37,1%, у Шаркаўшчынскім — на 36,8%, у Бешанковіцкім — на 20,4%. Таксама негатыўныя тэндэнцыі зафіксаваныя ў Лепельскім, Аршанскім, Верхнядзвінскім і Глыбоцкім раёнах.
Некаторыя віды злачынстваў павялічваюцца надзвычай хутка. Выпадкі хуліганства ў статыстыцы выраслі на 130%, вымагальніцтва — 300%, угоны аўтамабіляў — 75%.
Фармальна колькасць злачынстваў, учыненых непаўналетнімі, скарацілася. Пры гэтым на 7,5% павялічылася колькасць дзяцей, уцягнутых у злачынную дзейнасць. А выпадкаў распусных дзеянняў у дачыненні да дзяцей стала больш на 57,1%.
