У суботу ў Беларусі чакаюцца дажджы, навальніцы і да +30 градусаў
Дождж, ілюстрацыйнае фота / pixabay.com
У суботу, 6 верасня, у Беларусі прагназуецца пераменная воблачнасць, паведамляе Белгідрамет.
Месцамі па краіне пройдуць кароткачасовыя дажджы, прагрымяць навальніцы. Уначы і зранку месцамі будзе згушчацца туман. Вецер прагназуецца паўднёва-ўсходні ад слабога да ўмеранага, пры навальніцах — парывісты.
Уначы тэрмометры пакажуць 9-15 градусаў вышэй за нуль, па захадзе Беларусі будзе да 17 градусаў цяпла. Удзень чакаецца ад +23 па ўсходзе да +30 па паўднёвым захадзе краіны.
Нядзеля будзе воблачная з праясненнямі. Месцамі па краіне прагназуюцца кароткачасовыя дажджы і навальніцы. Тэрмометры ўначы пакажуць ад +6 градусаў па паўднёвым усходзе да +18 па захадзе краіны. Удзень паветра прагрэецца да 20-27 градусаў цяпла.
