У Расіі вялізны пажар на заводзе, які вырабляе балістычныя ракеты (відэа)

У Расіі вялізны пажар на заводзе, які вырабляе міжкантынентальныя балістычныя ракеты для падводных лодак і модулі разгоннага блоку для ракет "Зеніт" і "Пратон". Здарэнне адбылося 26 красавіка ў Краснаярску ў адным з цэхаў "Красмаша" (Краснаярскага машынабудаўнічага завода), інфармуе "Новая газета". Плошча ўзгарання складае пяць тысяч квадратных метраў. Над прадпрыемствам падымаецца густы чорны дым.

Як стала вядома, у цэху, у якім адбыўся пажар, выпускалі халадзільныя ўстаноўкі. Ён выкарыстоўваецца і як склад халадзільнікаў. Там часткова абрынуўся дах. Пажар атрымаў чацвёрты ўзровень складанасці з пяці магчымых. Адзначаецца, што цэх стаіць асобна, таму іншым цэхам нічога не пагражае, дадае meduza.io.