У пятніцу ў Беларусі прагназуюць дажджы на большай частцы тэрыторыі

У пятніцу, 10 кастрычніка, у Беларусі будзе воблачна, уначы — з праясненнямі, паведамляе Белгідрамет.

Уначы месцамі, а зранку і ўдзень на большай частцы тэрыторыі краіны пройдуць дажджы. Уначы і зранку ў асобных раёнах будзе згушчацца туман. Вецер чакаецца заходні, паўночна-заходні ўмераны, удзень на захадзе парывісты, месцамі — моцны парывісты, да 15-18 метраў за секунду.

Тэрмометры ўначы пакажуць 3-8 градусаў цяпла, па паўднёвым усходзе краіны прагназуецца да +10 градусаў. Удзень паветра прагрэецца да 9-15 градусаў са знакам "плюс".

На выходных у Беларусі таксама чакаюцца дажджы, месцамі — моцныя. Прагназуецца моцны парывісты вецер. Слупок тэрмометра ўдзень не падымецца вышэй за +15 градусаў.