У Польшчу з Беларусі нелегальна перайшлі 30 мігрантаў з Афганістана і Ірака
У Польшчу з Беларусі нелегальна перайшлі 30 мігрантаў — 29 з Афганістана і 1 з Ірака. Як паведамляюць польскія памежнікі, 27 ліпеня ў памежнай паласе затрымалі 9 нелегалаў. Яшчэ 20 грамадзян Афганістана знялі з цягніка, на якім яны спадзяваліся дабрацца да Варшавы. Пазней быў затрыманы мігрант з Ірака. Сярод парушальнікаў толькі адна жанчына, ёсць трое непаўналетніх.
Мяжа Беларусі і Польшчы лепш абсталявана, чым мяжа Беларусі з Літвой. Мяркуецца, што гэта адна з прычын, чаму мігрантаў там затрымліваюць менш. Але бываюць і дастаткова вялікія групы. Напрыклад, 13 ліпеня польскія памежнікі затрымалі 46 мігрантаў, якія нелегальна перайшлі мяжу з Беларусі.
Літоўцы зафіксавалі за апошнія суткі рэкорд — 171 нелегальны мігрант. Пра першых затрыманых мігрантаў з Ірака паведаміла Латвія.
Еўрасаюз спрабуе вырашыць праблему ў тым ліку і праз кантакты з уладамі Ірака.
Good conversation w/ Iraqi Foreign Minister @Fuad_Hussein1 yesterday on how to tackle increased number of Iraqi citizens irregularly crossing from Belarus into Lithuania.
— Josep Borrell Fontelles (@JosepBorrellF) July 28, 2021
This is an issue of concern not only for one Member State but for the entire EU. We count on Iraq’s support.
