У парку злавілі арыштанта, які ўцёк з "Матроскай цішыні"
Учора стала вядома, што 33-гадовы ўраджэнец Сочы Алег Тапалаў зрабіў лыжкай дзірку ў столі камеры і па вентыляцыі дабраўся да даху ды пераадолеў асноўную агароджу маскоўскага следчага ізалятара.
Ён абвінавачваецца ў забойстве і незаконным абароце зброі. За кратамі знаходзіўся з восені 2011-га. Пазней стала вядома, што Тапалаў — штатны кілер адной з крымінальных груповак.
Як паведамляе РІА "Новости", Алега Тапалава 8 траўня затрымалі ў Ізмайлаўскім парку Масквы.
Нагадаем, папярэднія ўцёкі ў "Матроскай цішыні" адбыліся ў чэрвені 1995 года. Тады збег "крымінальны аўтарытэт" Аляксандр Салонік.
