У Мінску злавілі эксгібіцыяніста, які прыехаў у сталіцу ў камандзіроўку

У Мінску супрацоўнікі Фрунзенскага РУУС затрымалі 30-гадовага жыхара Салігорска, які раней не быў судзімы.

Як паведаміла прэс-афіцэр Фрунзенскага РУУС Наталля Аскірка, у міліцыю затэлефанавала дзяўчына. Яна распавяла, што ішла каля метро з дзвюма сяброўкамі і пабачылі мужчыну, які раптам расшпіліў штаны і прадэманстраваў ім свае полавыя органы. Дзяўчаты правялі сяброўку на прыпынак грамадскага транспарту і вярталіся ў бок метро, калі пабачылі, што мужчына працягвае свае дзеянні.

Міліцэйскі нарад затрымаў парушальніка парадку па перададзеных прыкметах.

Высветлілася, што 30-гадовы салігорац прыехаў у Мінск у камандзіроўку.

Цяпер на яго пачалі крымінальную справу за хуліганства. У міліцыі ёсць падставы меркаваць, што мужчына мае дачыненне да аналагічных дзеянняў супраць іншых грамадзян. Грамадзян просяць паведаміць пра гэта ў Фрунзенскае РУУС г.Мінска асабіста або па тэлефонах: 8 (017) 207-67-67, 8 (017) 213-08-25 альбо 102.