У Мінску з-за пажару з шматкватэрнага дома эвакуявалі 15 чалавек (фота)

У Мінску на вуліцы Люцынскай з-за пажару з шматкватэрнага дома эвакуявалі 15 чалавек (сярод іх — чацвёра дзяцей). Здарэнне адбылося ўвечары 28 лютага. У доме гарэла кватэра на шостым паверсе. Яе наймальнік і двое дзяцей (2010 і 2013 гадоў нараджэння) выйшлі адтуль яшчэ да прыбыцця ратавальнікаў.

Падчас здарэння ніхто не пацярпеў. Агонь пашкодзіў маёмасць у кватэры. Мяркуецца, што прычынай узгарання магло стаць кароткае замыканне электраправодкі, інфармуе прэс-служба МНС.