У Мінску рэцыдывіст забіў прастытутку, каб адпомсціць за свой суд

На працягу сутак мінскія праваахоўнікі раскрылі забойства жанчыны, якая аказвала паслугі інтымнага характару. Здарэнне адбылося на мінулым тыдні. Як паведамляе прэс-служба ГУУС, у адной з мінскіх кватэраў было знойдзенае цела 49-гадовай жанчыны з прыкметамі гвалтоўнай смерці. Высветлілася, што жанчына аказвала платныя інтымныя паслугі.

У кватэры і аўтамабілі забітай міліцыя выявіла больш за дзясятак мабільных тэлефонаў, зарэгістраваных як на яе, так і на іншых асоб. Па нататніках пацярпелай з імёнамі кліентаў праваахоўнікі вызначылі кола магчымых падазраваных.

Па падазрэнні ў злачынстве праваахоўнікі затрымалі 44-гадовага мужчыну, раней неаднаразова судзімага за згвалтаванні і рабаванні. На допыце ён патлумачыў, што нядаўна выйшаў на волю і вырашыў адпомсціць мінчанцы. Ён лічыў яе вінаватай у асуджэнні за разбойны напад на іншую жанчыну, якая таксама займалася прастытуцыяй.

Мужчына знайшоў у сацсетках тэлефонны нумар прастытуткі і дамовіўся на сустрэчу як кліент. Падчас сустрэчы яны пасварыліся, і ён задушыў жанчыну.

Следства кваліфікуе яго дзеянні як забойства, учыненае пры абцяжваючых абставінах. Мужчыну могуць узяць пад варту.

Больш за 10 мінскіх прастытутак пацярпелі ад ілжэміліцыянераў

Сёлета ў Беларусі за прастытуцыю пакаралі 726 чалавек

Фота: bigmir.net