У Мінску ліквідуюць наступствы аварыі электрасетак

У Мінску ліквідуюць наступствы аварыі электрасетак. Як паведамляе "Мінскэнерга", яна здарылася ў аўторак у 08:47. Раптоўна адключылася паветраная лінія напружаннем 110 кВ. Праз гэта часова была адключана падстанцыя "Зялёны луг". У выніку электрычнасць і вада зніклі ў Першамайскім і Савецкім раёнах сталіцы.

Аднаўленчымі працамі займаліся шэсць брыгад "Мінскэнерга". Паведамляецца, што ў 09:29 "усе спажыўцы былі запітаныя".

Аварыя паўплывала на рух грамадскага транспарту ў Мінску. Акрамя таго, аператыўныя брыгады "Мінскводаканала" ліквідуюць магчымыя наступствы, выкліканыя адключэннем электрычнасці. У цяперашні час паступова запускаюць помпы і аднаўляюць ціск у вадаправоднай сетцы (спыненне помпавага абсталявання адбылося на водазаборы № 5 "Бараўляны"). Відаць, магчымае пагаршэнне якасці вады ў згаданых раёнах.

Напярэдадні аварыя здарылася ў Кобрыне, частка горада працяглы час была без электрычнасці і цяпла. Інфраструктура ў Беларусі патрабуе абнаўлення, а грошы атрымліваюць найперш сілавікі.