У Мазыры падчас дэмантажу абрынуўся цэнтральны пралёт моста праз Прыпяць
Падчас інцыдэнту ніхто не пацярпеў / Коллаж из фотографий t.me/fotografvitalii
25 студзеня ў Мазыры абрынуліся канструкцыі цэнтральнай часткі аўтамабільнага моста праз Прыпяць, які знаходзіцца ў працэсе дэмантажу, паведамляе "Жыццё Палесся".
Дэмантажныя працы працягваюцца каля двух тыдняў. Канструкцыя трымалася на часовых металічных апорах, усталяваных на баржу, якая была жорстка зафіксавана ў рэчышчы ракі.
Аднак з-за рэзкага віхравога руху вады ў рацэ баржа нахілілася, металічныя канструкцыі саслізнулі з апор і абрынуліся, патлумачыў выданню кіраўнік РУП "Гомельаўтадар" Дзяніс Ясько.
Падчас інцыдэнту ніхто не пацярпеў.
