У лякарнях застаюцца 9 з 15 пацярпелых у аварыі ў Бярозаўскім раёне
Аварыя ў Бярозаўскім раёне / МУС Беларусі
У лякарнях застаюцца яшчэ дзевяць чалавек, пацярпелых у аварыі з аўтобусам ПАЗ і мікрааўтобусам "Форд" у Бярозаўскім раёне.
Як паведамляе прэс-служба Мінздароўя, у Бярозаўскай ЦРБ знаходзяцца шасцёра пацярпелых: двое ў рэанімацыйным аддзяленні і чацвёра — у траўматалагічным.
У Івацэвіцкай ЦРБ застаюцца трое пацярпелых, усе яны знаходзяцца ў траўматалагічным аддзяленні.
Аварыя адбылася 15 ліпеня. Кіроўца аўтобуса ПАЗ з пасажырамі ўрэзаўся ў спадарожны "бусік". У выніку аварыі траўмы атрымалі 15 чалавек. На месца здарэння выязджалі шэсць брыгад хуткай дапамогі. Пацярпелых шпіталізавалі ў Бярозаўскую і Івацэвіцкую ЦРБ. У іх дыягнаставалі спалучаныя траўмы рознай ступені: ЧМТ, пераломы, удары ды ірваныя раны.
