У Гомелі затрымалі расіяніна, які спрабаваў збыць фальшывыя еўра
На грамадзяніна Расіі, які спрабаваў абмяняць у Гомелі фальшывыя еўра, завялі крымінальную справу за фальшываманецтва. 11 верасня 53-гадовы мужчына прынёс у абменнік аднаго з мясцовых банкаў сем купюраў па 200 еўра, якія выявіліся падробкай. Расіяніна затрымалі, інфармуе прэс-служба МУС.
Фальшывыя купюры выяўляюць амаль штодня і гэтыя інцыдэнты трапляюць у крымінальную зводку, але выпадак у Гомелі адметны тым, што фальшываманетчык спрабаваў збыць падробленыя грошы на значную суму.
Фота: kievvlast.com.ua
