У цэнтры Мінска зранку 21 снежня не працавалі святлафоры (фота)
Зранку 21 снежня ў Мінску на скрыжаванні праспекта Незалежнасці і вуліцы Казлова быў ускладнены рух транспарту.
Як пішуць "Мінск-Навіны", заторы ўзніклі не толькі на скрыжаванні праспектаў Незалежнасці, Машэрава і вуліцы Казлова, але і на бліжэйшых скрыжаваннях, нават калі там дзейнічалі святлафоры. Аўтамабілі выязджалі на трамвайныя шляхі і рухаліся ўперамешку з трамваямі.
Рэгуляваць рух прыбылі супрацоўнікі ДАІ. Працу святлафораў удалося аднавіць прыкладна ў 9.35, рух нармалізаваўся.
