У Брэсце згарэла маршрутнае таксі (фота)

У Брэсце згарэла маршрутнае таксі. Здарэнне адбылося пасля 18-й гадзіны 17 снежня на вуліцы Кацін Бор. "Мэрсэдэс-Спрынтар" загарэўся на канчатковым прыпыначным пункце ўжо пасля высадкі пасажыраў. Ніхто з людзей не пацярпеў.

Агонь цалкам знішчыў мікрааўтобус. Мяркуецца, што адбылося кароткае замыканне электраправодкі ў маторным адсеку, інфармуе прэс-служба МНС Брэсцкай вобласці.