У Берліне беларускіх актывістак ўзнагародзілі Жаночай прэміяй Ганны Кляйн
Падчас ўрачыстай цырымоніі ўручэння прэміі / t.me/CabinetBelarus/
У Берліне беларускіх актывістак ўзнагародзілі Жаночай прэміяй Ганны Кляйн. Сярод лаўрэатак — Юлія Міцкевіч, першая намесніца прадстаўніцы па сацыяльнай палітыцы Аб’яднанага пераходнага кабінета Беларусі, Дар’я Афанасьева, палітзняволеная фемактывістка, і Ірына Альхоўка, праваабаронца і гендарная экспертка.
"Сёлета гэтая ўзнагарода ўпершыню прысуджаная беларускім актывісткам, — каментуе ўручэнне прэміі прадстаўніца па сацыяльнай палітыцы кабінета Вольга Зазулінская. — Гэта прызнанне іх барацьбы і сведчанне таго, што змаганне беларускіх жанчын за роўнасць і свабоду бачаць і падтрымліваюць ва ўсім свеце".
Цырымонія ўзнагароджання прайшла напярэдадні Міжнароднага дня барацьбы за правы жанчын.
Congratulations to Belarusian feminists & women’s rights activists Darya Afanasyeva, Irina Alkhovka, Julia Mickiewicz on receiving @BoellStiftung's 2025 Anne Klein Women's Award!
— Sviatlana Tsikhanouskaya (@Tsihanouskaya) March 7, 2025
The future of Belarus is freedom & equality—we’re lucky to have such brilliant women paving the way. pic.twitter.com/NCsIDh5sJc
