У Беразіне з храма скралі каўчэг з мошчамі святога
Скрадзены каўчэг / minobl.mvd.gov.by
У Беразіне з храма скралі каўчэг з мошчамі святога. Пазней высветлілася, што мясцовы жыхар прадаў іх на кірмашы, каб набыць гарэлкі.
Гісторыя пачалася з таго, што мужчына папрасіў грошай у супрацоўніцы царквы Мікалая Цудатворца. Але тая адмовіла. Тады ён знёс з храма каўчэг, у якім нібыта захоўваюцца мошчы Святога Спірыдона Трыміфунцкага.
Атрыманыя за іх 20 рублёў небарака збіраўся выдаткаваць на гарэлку. Але яго затрымалі, а святыню вярнулі ў царкву.
Дарэчы, злодзей істотна недаацаніў мошчы святога. У храме заявілі, што шкода склала 900 рублёў.
