У Беларусі забаранілі прадаваць адзенне фірмы, якая належыць польскім мільянерам

У спісе небяспечнай прадукцыі, забароненай да рэалізацыі ў Беларусі, з'явілася адразу 30 найменняў адзення польскага брэнда Big Star. Гэта адна з першых заходніх fashion-кампаній, якая прыйшла на беларускі рынак у 1990-я. Яна належыць мільянерам з лакальнага спісу Forbes Багдану Качмарэку і яго партнёру Веславу Кастэры.

У першую чаргу брэнд вядомы джынсавым адзеннем. Цяпер у Еўропе працуюць каля 250 фірменных крамаў Big Star.

Што не задаволіла беларускі Дзяржстандарт?

У куртках, сукенках і кашулях быў выяўлены недастатковы паказчык паветрапранікальнасці, а ў жаночага абутку была недастаткова трывала прымацаваная падэшва. Прэтэнзіі ёсць і да некаторых відаў дзіцячага адзення.