У Беларусі ўстаноўлены новы тэмпературны рэкорд
22 сакавіка ў Брагіне паветра прагрэлася да 22 градусаў цяпла, што на 1,9 градуса перавышае папярэдні рэкорд, зафіксаваны ў 1990-м у Лельчыцах.
У Мінску ўчора быў абноўлены рэкорд дня, які трымаўся з 1938 года, — 16,6 градуса. Новы максімум — 17 градусаў.
Напярэдадні ў сталіцы таксама быў зафіксаваны рэкорд — плюс 18 (папярэдні (16,3 градуса) трымаўся з 21 сакавіка 1974 года), паведамляе БелаПАН.
