У Беларусі прызналі "экстрэмісцкімі" сацсеткі армянскай блогеркі
Роза Бабаханян / @armeniathegreat
У Беларусі прызналі "экстрэмісцкімі" сацсеткі армянскай блогеркі. Такое рашэнне 24 лютага прыняў суд Чыгуначнага раёна Гомеля.
Пра затрыманне ў Беларусі Бэлы (Розы Бабаханян), якая мае беларускае і армянскае грамадзянствы, стала вядома ў сярэдзіне лютага. Яе судзілі па адміністрацыйнай справе, абвінавацілі ў "распаўсюдзе экстрэмізму". Пазней стала вядома, што блогерцы прысудзілі 15 сутак і выставілі абвінавачанні паводле пяці крымінальных артыкулаў.
Аднак 24 лютага стала вядома, што Бэлу адправілі на радзіму на беларускім урадавым самалёце.
