У Беларусі паставілі трохметровы помнік мясарубцы
Арт-аб'ект у Баранавічах / nashkraj.by
У Беларусі паставілі помнік мясарубцы. Ідэя стварэння гэтага арт-аб’екта належыць калектыву баранавіцкага завода "Гандальмаш". На яго тэрыторыі і ўсталявалі помнік.
Як піша "Наш край", вышыня помніка-мясарубкі 3,2 метра, шырыня — 2 метры 50 сантыметраў. Зрабіў яго скульптар Уладзімір Канонік.
Помнік атрымаўся незвычайны — канструкцыю можна круціць за ручку і пры гэтым у рух прыходзіць махавік, пачынае рухацца рашотка.
"Напэўна, няма такой сям’і ў рэспубліцы, у якой не было б нашага вырабу, — кажа дырэктар прадпрыемства Сяргей Герасімчык. — З моманту запуску вытворчасці мы вырабілі больш за 3 мільёны бытавых мясарубак. Так што яна па праву лічыцца сімвалам "Гандальмаша".
