У Бабруйску ў дзіцячым садку на дзіця ўпала галінка дрэва
На месцы здарэння / mogilev.mchs.gov.by
У Бабруйску ў дзіцячым садку на дзіця ўпала галінка дрэва. У яго пералом ключыцы.
Як пішуць ратавальнікі, здарэнне адбылося ўдзень 2 красавіка. Дзеці якраз былі на прагулцы. Прычынай падзення галінкі дрэва называюць моцны парыў ветру (у Магілёўскай вобласці парывы ветру дасягалі 18 м/с).
Пасля аказання медыцынскай дапамогі дзіця адправілі з бальніцы дадому. Лячэнне яно будзе праходзіць амбулаторна.
