У 113 гадоў памерла самая пажылая жанчына з тых, хто перажыў Халакост
Роўз Жыронэ на цырымоніі ў мемарыяльным комплексе на месцы былога канцлагера Аўшвіц-Біркенаў, 27 студзеня 2025-га / АР
У ЗША ў доме састарэлых у 113 гадоў памерла Роўз Жыронэ, самая пажылая жанчына з тых, хто перажыў Халакост, паведамляе Reuters.
Калі яе мужа арыштавалі і адправілі ў нацысцкі канцэнтрацыйны лагер Бухенвальд, жанчына была на восьмым месяцы цяжарнасці. Яму ўдалося выратавацца, і яны збеглі з Германіі ў Шанхай.
Дачка, якая таксама перажыла Халакост, кажа, што маці "была моцнай жанчынай, стойкай". Яна "старалася атрымаць максімум з жудасных сітуацый".
На сённяшні дзень у свеце налічваецца каля 245 тысяч чалавек, якія перажылі Халакост.
