Тры раёны Гомельшчыны пацярпелі ад начной навальніцы
Наступствы стыхіі ў Мазыры / t.me/meteovibe
У ноч на панядзелак моцная навальніца абрынулася на Гомельшчыну.
Вецер парывамі да 20 метраў за секунду, залевы і навальніцы пакінулі без электрычнасці 72 населеныя пункты вобласці. Больш за ўсё ад непагадзі пацярпелі Гомельскі, Мазырскі і Рэчыцкі раёны.
Стыхія валіла дрэвы, якія абрывалі драты ліній электраперадачы, а таксама пацярпелі апоры ды іншыя элементы ЛЭП.
У "Гомельэнерга" адзначаюць што па стане на 8:00 працягваюцца работы ў 25 населеных пунктах. Працуюць 16 брыгад і восем адзінак спецтэхнікі.
Наступствы стыхіі ў Мазыры / t.me/meteovibe
