Трэнер зборнай Беларусі па футзале хоча, каб палітыка адышла на другі план

Галоўны трэнер зборнай Беларусі па футзале Аляксандр Чэрнік пракаментаваў заявы латвійскага і літоўскага бакоў, якія не жадаюць бачыць Беларусь на Еўра-2026.

— Мы чытаем навіны, бачым, калі такая інфармацыя з'яўляецца. Хочацца, каб спорт аб’ядноўваў, а палітыка адыходзіла на другі план, каб ніхто звонку не падцяпліваў негатыў. Тыя ж фіны, калі нам рукі не падавалі — мы толькі мацнелі. Не хочацца, каб палітыка датычылася нашага поспеху. Хлопцы, каманда — заслужылі, зрабілі ўсё правільна.

Зараз паўсюль ідзе збліжэнне, усе хочуць, каб усё скончылася, — сказаў Чэрнік.